Ermənistanda “Sasna çrer” silahlı qruplaşması ilə əlaqədar 47 şəxs saxlanılıb. Virtualaz.org "Sputnik"ə istinadən bildirir ki, bu barədə Ermənistan Milli Təhlükəsizlik Xidmətinin məlumatında deyilir:
“17 iyulda patrul-mühafizə alayının binasının tutulması faktı ilə bağlı Ermənistan Milli Təhlükəsizlik Xidmətinin İstintaq İdarəsində Cinayət Məcəlləsinin 219 (binanın, nəqliyyatın və ya əlaqə vasitəsinin tutulması) və 235 –ci (silah-sursat və ya partlayıcı maddələrin qeyri-qanunu əldə edilməsi, saxlanması) maddələri üzrə açılan cinayət işi çərçivəsində 47 nəfər saxlanılıb və ya həbs edilib. 24 nəfərə ittiham irəli sürülüb”.
