İraqda türkmənlərin yaşadığı Əl-Bəşir qəsəbəsi İŞİD-dən azad edilib.
Qaziler.az bildirir ki, APA-nın İraqın “Almada Press” agentliyinə istinadən verdiyi məlumata görə, şiə könüllülər, türkmən bölükləri və kürd peşmərgələr Kərkükün cənubunda yerləşən Əl-Bəşir qəsəbəsini İŞİD-dən azad edib.Əməliyyat zamanı ən azı 60 terrorçu öldürülüb. İŞİD məhz bu qəsəbədən qonşuluqda yerləşən Taz şəhərinə zəhərli mərmi başlıqları ilə zərbələr endirib. Nəticədə yüzlərlə insan xəsarət alıb, 3 uşaq həyatını itirib.
