Yaponiya Mərkəzi Bankının (BOJ) son yığıncağında bazar gözləntilərinin əksinə olaraq pul təşviqi proqramını genişləndirməmək qərara alınıb.

Qaziler.az -ın məlumatına görə, AZƏRTAC “euronews.com”a istinadla xəbər verir ki, bank pul bazasının genişlənmə hədəfini 80 trilyon yendə (715 milyard dollar), bankların BOJ-da saxladıqları vəsaitə tətbiq edilən faizi - 0,1 faizdə saxlayıb və səhmlər daxil olmaqla riskli aktivlərin alış proqramı qoruyub.

BOJ-un sədri Haruhiko Kuroda deyib: “İnflyasiyanı 2 faizə çatdırmaqla bağlı hədəfimizdə hər hansı dəyişiklik yoxdur. Bunu mümkün olan ən tez vaxtda bacarmaq üçün hər şeyi edəcəyik. Lazım olsa mənfi faiz dərəcələrini də artıra bilərik”.