Rusiya prezidenti Vladimir Putin Çeçenistan Respublikasının rəhbəri Ramazan Kadırovun səlahiyyət müddətini uzadıb.
APA-nın TASS agentliyinə istinadən verdiyi məlumata görə, V. Putinin imzaladığı fərmana əsasən səlahiyyət müddəti aprelin 5-də bitən R. Kadırov sentyabra qədər Çeçenistan Respublikasının rəhbəri vəzifəsini icra edəcək.V. Putin R. Kadırovla görüşdə onun sentyabrda keçiriləcək seçkilərdə iştirak edəcəyinə ümid etdiyini də bildirib.
