Ukrayna prezidenti Pyotr Poroşenkonun baş nazir postuna real namizəd gördüyü 2 nəfərin adı açıqlanıb.

Qaziler.az-ın məlumatına görə, Modern.az Ukrayna KİV-nə istinadla xəbər verir ki, namizədlərin adını prezidentin mətbuat katibi Svyatoslav Çeqalko açıqlayıb.
Onlardan biri ölkənin maliyyə naziri Natalya Yaresko, digəri isə Lvovun meri Andrey Sadovoydur.

Prezidentin çevrəsi Poroşenkonun bütün hökuməti dəyişmək istədiyini və bununla bağlı Ali Rada fraksiyaları ilə məsləhətləşmələr apardığını bildirir.

Ukraynada siyasi böhran fevralın 16-da baş nazir Arseni Yatsenyukun hökumətinin istefaya göndərilə biləməməsi ilə başlanılmışdı.