NATO ölkələri “İslam Dövləti” qrupu ilə mübarizədə ABŞ-ın rəhbərlik etdiyi koalisiyaya hərbi təyyarələr vermək razılığına gəliblər.

Qaziler.az Azadlıq Radiosuna istinadən bildirir ki, söhbət radiolokasiya avadanlıqları ilə təhciz olunmuş “AWACS” təyyarələrindən gedir.

Bunu fevralın 11-də Avropa Birliyi ölkələri müdafiə nazirlərinin Brüssel görüşüşündə NATO-nun baş katibi Jens Stoltenberg bəyan edib.

Baş katib bunun koalisiyanın gücünü artıracağını bildirib.

Qeyd edək ki, NATO həmçinin fevralın 11-də insan qaçaqçılığı və qanunsuz miqrantlara qarşı mübarizəyə qoşulmaq qərarına gəlib.

Söhbət Egey dənizinə gəmilər göndərmək, patrul xidmətindən gedir.

Qərar Almaniya, Türkiyə və Yunanıstanın sorğusu əsasında qəbul edilib.