Ukrayna Müdafiə Nazirliyi son günlər ərzində Donbass regionundakı separatçıların 6 təyyarəsinin, 4 helikopterinin və 4 “Smerç” reaktiv atəş sisteminin məhv edildiyini açıqlayıb.

Rusiya telekanallarının verdiyi xəbərə görə, nazirlik separatçı qüvvələrə məxsus 2 ədəd “AN-2” yüngül çoxməqsədli təyyarənin, 2 ədəd “YAK-50” təlim-məşq təyyarəsinin, 1 ədəd “YAK-52” idman-məşq təyyarəsinin və 1 ədəd “L-39” hərbi təlim təyyarəsinin, həmçinin 4 ədəd “Mi-24” döyüş helikopterinin məhv edildiyini bildirib. Bu uçuş texnikasının hamısı yerdə olarkən sıradan çıxarılıb.
Bundan başqa, düşmənin 4 ədəd “Smerç” reaktiv atəş sistemi, 12 ədəd “Qrad” reaktiv atəş sistemi, 4 tankı, 9 zirehli maşını və 18 ədəd avtomobil texnikası da yararsız hala salınıb.
Mənbə. APA.az