ABŞ hökuməti iki Rusiya bankının aktivlərini dondurub. Hər iki bank Amerika Birləşmiş Ştatlarının Rusiyaya qarşı tətbiq etdiyi sanksiya siyahısına daxil edilib.
Dondurulmuş məbləğ 640 milyon dollardır. ABŞ Maliyyə nazirliyindən bildirilib ki, "Rusiya" bankının 572 milyon dollarlıq amerika hesabları dondurulub. Bu məbləğ 2013-cü ilin göstəricilərinə görə, bankın bütün aktivlərinin 10%-ni təşkil edir.Həmçinin SMP bankının hesabları dondurulub. Bu bankın hesablarında təxminən 65 milyon dollar var idi.
