Səudiyyə Ərəbistanı Qırmızı dəniz sahilindəki şəhərlər üzərində nəzarəti bərpa etmək cəhdlərinin uğursuzluğa düçar olması fonunda, noyabrın 16-da Yəməndə husilərə qarşı döyüşən qüvvələrin komandanını dəyişib.
Qaziler.az xəbər verir ki, bu barədə "Reuters" agentliyi kralın fərmanına istinadən məlumat yayıb.
Səudiyyə Ərəbistanının rəsmi mediası xəbər verir ki, əmrə əsasən, general-leytenant Fəhd bin Həməd bin Əbdüləziz Əl Salman müdafiə nazirinin hərbi məsələlər üzrə müşaviri təyin edilib. Bundan əlavə, general-leytenant Fəyyad bin Hamed bin Rəqada Əl Rüveyli hazırkı vəzifələri ilə yanaşı, Birləşmiş Qüvvələrin komandanı postunu da icra edəcək.
Agentliyin həmsöhbətləri bu kadr dəyişikliklərini birbaşa Yəməndəki vəziyyətlə əlaqələndirirlər.
QAZİLER.AZ

