Avropa Ukraynanın ərazi bütövlüyünü, ona NATO və Avropa İttifaqına (Aİ) daxil olmaq hüququnun verilməsini, həmçinin Rusiyanın məsuliyyətə cəlb olunmasını tələb edir.
Qaziler.az xəbər verir ki, bu barədə noyabrın 16-da keçirilən mətbuat konfransında Avropa Xarici Fəaliyyət Xidmətinin rəhbəri Kaya Kallas bildirib.
"Avropa Moskvaya aydın tələblər irəli sürür. Bəziləri bunlardır: Ukraynanın suverenliyi, müstəqilliyi, ərazi bütövlüyü və öz ittifaqlarını seçmək hüququna hörmət edilməlidir", - deyə Kallas qeyd edib.
Avropa diplomatiyasının rəhbərinin sözlərinə görə, Aİ Kiyevin itirdiyi əraziləri hüquqi cəhətdən tanımayacaq. Kallas həmçinin bildirib ki, ukraynalı uşaqlar ölkəyə qaytarılmalı, Rusiya məsuliyyətə cəlb olunmalı və Avropadakı təxribat və kiberhücumlar dayandırılmalıdır.
Bundan əlavə, Avropa diplomatiyasının rəhbəri vurğulayıb ki, prioritet əvvəlcə atəşkəsin əldə olunması, daha sonra isə sülh sazişinin imzalanması olmalıdır. Kallas həmçinin qeyd edib ki, Aİ-yə yeni təhlükəsizlik arxitekturasının yaradılması deyil, köhnənin bərpası lazımdır. O, Rusiyanın təhlükəsizlik sahəsindəki tələblərini hərbi əməliyyatları davam etdirmək üçün "bəhanə" adlandırıb.
Kaya Kallas həmçinin bildirib ki, Rusiyaya qarşı 22-ci sanksiyalar paketi yaxın günlərdə təqdim olunacaq.
QAZİLER.AZ

