Son üç gün ərzində rusiyalılar Ukraynanın energetika infrastrukturuna 78 kütləvi zərbə endiriblər.

Düşmənin hədəfində həm elektrik stansiyaları, həm də cərəyanın ötürülməsi obyektləri olub.

Qaziler.az bildirir ki, "RBC-Ukrayna" xəbər verir ki, bu barədə DTEK şirkətinin rəsmi kanalı məlumat yayıb.

Ukrayna enerji sistemi artıq beşinci ildir ki, daimi hücumlar şəraitində fəaliyyət göstərir. Bu miqyasda və müddətdə dağıntılarla indiyə qədər heç bir ölkə üzləşməyib.

Müqayisə üçün qeyd edilib ki, 2022-ci ildə rusiyalılar əsasən elektrik stansiyalarını hədəf alan 11 kütləvi hücum həyata keçirmişdilər. İndi isə düşmən taktikasını mütəmadi olaraq dəyişir və atəşin intensivliyini əhəmiyyətli dərəcədə artırır.

Məlumata görə, ciddi zədələnmələr bərpa işləri üçün böyük səy və vaxt tələb edir. Mütəxəssislərin işini daimi hava həyəcanı siqnalları və təkrar zərbə riskləri daha da mürəkkəbləşdirir. Bütün təhdidlərə baxmayaraq, energetiklər Ukrayna evlərinə işığı qaytarmaq üçün gecə-gündüz rejimində fəaliyyət göstərirlər.

QAZİLER.AZ