Rusiya, ABŞ və Ukrayna rəhbərlərinin üçtərəfli görüşü yalnız "diqqətli və ciddi" işlərin nəticəsində baş tuta bilər.

Qaziler.az xəbər verir ki, bu barədə Rusiya Prezidentinin mətbuat katibi Dmitri Peskov “Life.ru” portalına müsahibəsində bildirib.

"Çoxdan dediyimiz kimi, bundan əvvəl uzunmüddətli və ciddi hazırlıq işləri görülməlidir", — deyə o qeyd edib.

Peskov liderlərin görüşünün reallaşmasını "çoxmənalı və elastik anlayış" adlandırıb. O vurğulayıb ki, hazırda danışıqların dəqiq tarixi mövcud deyil.

Ötən həftə Rusiyanın xarici işlər nazirinin müavini Sergey Ryabkov bildirmişdi ki, Putin, Tramp və Zelenski arasında üçtərəfli görüşün keçirilməsi məsələsi hazırda nəzərdən keçirilir. Lakin diplomat vurğulamışdı ki, danışıqların təşkili ilə bağlı hələlik heç bir yekun razılaşma və tam razılıq yoxdur.

QAZİLER.AZ