Rusiyalı sahibkarlar Afrika ölkəsində qəhvə və kakao yetişdirmək üçün torpaq icarəyə götürə və orada emal müəssisələri aça bilərlər. Bu, məhsulların Rusiyaya birbaşa çatdırılmasına və yeni iş yerlərinin yaradılmasına imkan verəcək.

Qaziler.az xəbər verir ki, bu barədə Syerra-Leonenin Rusiyadakı səfiri Məhəmməd Yonqavo 28 oktyabrda "İzvestiya"ya bildirib.

"İnanıram ki, rusiyalı fermerlər və qəhvə istehsalçıları birbaşa Sierra-Leonedə emal zavodları yarada biləcəklər və orada birbaşa qəhvə və kakao əsaslı məhsullar istehsal edəcəklər. Bu, həmçinin əlavə iş yerləri yaradacaq", - deyə o bildirib.

Yonqavo qeyd edib ki, rusiyalı istehlakçılar fəal şəkildə qəhvə və şokolad alırlar, lakin istehsalçılar çox vaxt qəhvə dənələrini üçüncü tərəflər vasitəsilə əldə edirlər. O, təklif edib ki, Rusiya biznesləri qəhvə və kakaonu birbaşa Sierra-Leonedən alsınlar və ya bu məhsulları icarəyə götürülmüş torpaqlarda özləri yetişdirsinlər.

QAZİLER.AZ