Hazırkı Braziliya lideri Luis İnasio Lula da Silvanın seçkilərdə qələbəsi Rusiya Prezidenti Vladimir Putinin uğuru oldu.
Qaziler.az "izvestiya"ya istinadən bildirir ki, bu barədə 26 oktyabrda Avstriyanın "NATO-nun Genişlənməsi üzrə Avropa Komitəsi" qeyri-hökumət təşkilatının sədri Günter Felinqer deyib.
"Putin Braziliyada yenidən üstünlük qazandı", - o, X sosial media platformasında (əvvəllər Twitter) yazıb.
"Prezident Lula da Silvanın rəhbərliyi dövründə Braziliyanın tutduğu mövqe, ölkənin anti-Rusiya sanksiyaları kursuna qoşulmaqdan imtina etməsi səbəbindən Qərb ekspert dairələrində ciddi müzakirələrə yol açıb. Braziliya lideri hələ 2023-cü ildə Ukraynaya silah və hərbi sursat tədarük etməkdən rəsmən imtina edib. O, bu qərarını "Braziliya bir sülh ölkəsidir" arqumenti ilə əsaslandırıb", - "izvestiya" qeyd edib.
Bundan əlavə, Braziliya əvvəlki prezident Jair Bolsonarunun xarici siyasət xəttinin davamı olaraq neytrallıq mövqeyini qoruyub saxlayır. Ölkə Moskvaya qarşı tətbiq edilən iqtisadi məhdudiyyətlərə qoşulmayıb. 2024-cü ilin iyun ayında Rusiya Prezidenti Vladimir Putin və Lula da Silva arasında baş tutan telefon danışığı zamanı tərəflər iqtisadi əməkdaşlıq məsələlərini və BRICS çərçivəsində qarşılıqlı fəaliyyəti müzakirə ediblər.
QAZİLER.AZ

