ABŞ prezidentinin xüsusi nümayəndəsi Stiv Uitkoff Moskvaya səfəri zamanı Rusiya prezidenti Vladimir Putinə Donald Tramp və Volodimir Zelenski ilə birbaşa danışıqlar aparmağı təklif edəcək.

APA xəbər verir ki, bu barədə “Politico” məlumat verib.

Norveçin Baş naziri Yonas Qar Störe isə bildirib ki, Uitkoff Rusiyada sülh yolu ilə nizamlanma təkliflərini, o cümlədən üçtərəfli görüş ideyasını müzakirə edəcək. Onun sözlərinə görə, bu təşəbbüs liderlər səviyyəsində görüşə yol aça bilər.

Ukrayna prezidenti Volodimir Zelenski üçtərəfli görüş ideyasını mühüm addım kimi qiymətləndirib. O qeyd edib ki, müharibənin başa çatdırılması ilə bağlı bəzi məsələləri yalnız dövlət başçıları həll edə bilər.