Selin Dion yenidən pərəstişkarlarını öz sağlamlığı barədə narahat olmağa məcbur edib.

Qaziler.az xəbər verir ki, Parisdəki son konserti zamanı müğənni nəinki öz mahnısının sözlərini unudub, həm də səhnədə müvazinətini itirib ki, bu da onun növbəti konsert seriyasının gələcək taleyi ilə bağlı narahatlıqlara səbəb olub.

58 yaşlı artist keçən ay Fransa paytaxtında bir sıra konsertlər verərək səhnəyə geri qayıdıb. Bu, onun "bərkimiş insan sindromu" (stiff-person syndrome) ilə mübarizəsi səbəbindən əvvəlki qastrol turnesini ləğv etmək məcburiyyətində qalmasından sonra baş verib.

Fransanın "Le Parisien" qəzetinin məlumatına görə, "Un Autre Monde" mahnısının ifası zamanı müğənni müvazinətini itirərək yıxılıb. Lakin o, tez bir zamanda özünə gəlməyi, ayağa qalxmağı və hər şeyin qaydasında olduğunu bildirmək üçün tamaşaçılara baş barmağını göstərməyi bacarıb.

2022-ci ilin dekabrında müğənni ona "bərkimiş insan sindromu" diaqnozunun qoyulduğunu açıqlamışdı. Bu, əzələlərin bərkiməsinə və ağrılı spazmlara səbəb olan nadir nevroloji xəstəlikdir.

QAZİLER.AZ