Məşhur "Cangüdən" (The Bodyguard) filminin saundtrekinə ifa edən kanadalı rok müğənnisi Sass Jordan 63 yaşında vəfat edib.

Sənətçinin yaxınlarının sosial şəbəkələrdə verdiyi rəsmi məlumata görə, ifaçı 2 oktyabr 2026-cı il tarixində ailəsinin əhatəsində  dünyaya gözlərini yumub.

Müğənninin uzun müddətdir ağır xəstəlikdən əziyyət çəkdiyi bildirilir. Onun son səhnə çıxışı sentyabrın 18-də baş tutub, ondan sonrakı bütün konsertləri isə səhhətinin kəskin pisləşməsi səbəbindən ləğv edilmişdi.

Sass Jordan 1962-ci ildə Böyük Britaniyanın Birminhem şəhərində doğulub, lakin erkən uşaqlıq illərindən Kanadada yaşayıb. İfaçıya dünya şöhrətini 1992-ci ildə işıq üzü görən "Racine" albomu qazandırıb. Onun dünyaca məşhur "Cangüdən" filmində səslənən "Trust in Me" mahnısı elə həmin il ingilis müğənnisi Co Koker (Joe Cocker) ilə duet şəklində yazılmışdı.

QAZİLER.AZ