Qazaxıstan Prezidenti Kasım-Jomart Tokayev Almaniya Kansleri Fridrix Merts ilə danışıqlar aparıb.

Qaziler.az-ın Qazaxıstan mətbuatına  istinadən verdiyi məlumata görə, 29 sentyabr 2026-cı il tarixində baş tutan görüşdə tərəflər Qazaxıstan və Almaniya arasında çoxşaxəli əməkdaşlığın möhkəmləndirilməsinə sadiqliklərini ifadə ediblər. Hər iki ölkənin hökumətlərinin qarşılıqlı əlaqələrin genişləndirilməsi üçün lazımi şərait yaradacağı vurğulanıb.

Tokayev Almaniyanın Qazaxıstan üçün əsas ticarət tərəfdaşlarından və aparıcı xarici investorlardan biri olduğunu qeyd edib. Bildirilib ki, sənaye, kritik mühüm minerallar, nəqliyyat və loqistika, rəqəmsal texnologiyalar, həmçinin maşınqayırma və kimya sənayesi sahələrində böyük əməkdaşlıq potensialı mövcuddur. Bundan əlavə, tərəflər beynəlxalq strukturlar, o cümlədən "Mərkəzi Asiya – Almaniya" formatı çərçivəsində tərəfdaşlığı aktivləşdirmək barədə razılığa gəliblər.

QAZİLER.AZ