Pakistanda naməlum silahlı şəxslər Xeybər-Paxtunxva əyalətinin ictimai işlər və kommunikasiya naziri Fəzəl Şakur Xanı qaçırıblar.

Bu barədə “Dawn” nəşri yazır.

Naməlum şəxslər günorta saatlarında məmurun avtomobilini saxladıqdan sonra onu zorla naməlum istiqamətə aparıblar.

Məlumata görə, insident Peşəvərdə, M-1 ödənişli avtomagistralının nəzarət buraxılış məntəqəsinin yaxınlığında baş verib.

Qeyd olunur ki, mülki geyimlərdə olan silahlılar nazirin avtomobilinin qarşısını kəsib və onun təkərlərinə atəş açıblar. Daha sonra silahlı şəxslərin əyalət nazirini avtomobildən zorla çıxararaq özləri ilə apardığı bildirilir.

Polis hadisə ilə bağlı araşdırmaya başlayıb, həmçinin baş verənlərin hallarını və oğurluqda əli olan şəxslərin kimliyini müəyyənləşdirir. (trend)