Braziliyada "Rick" səhnə adı ilə tanınan məşhur müğənni Jeraldu Antoniu di Karvalyu Santa-Katarina ştatında baş verən helikopter qəzasında 59 yaşında faciəvi şəkildə həyatını itirib.

Qaziler.az bildirir ki, bu barədə sentyabrın 22-də G1 telekanalı yanğınsöndürmə xidmətinə istinadən məlumat yayıb. 

Qəzada sağ qalan olmayıb

Məlumata görə, "Rick & Renner" duetinin üzvü olan musiqiçinin də daxil olduğu helikopterdə ümumilikdə 5 nəfər olub. Yanğınsöndürənlər qəzaya uğrayan hava nəqliyyatının qalıqlarını aşkar ediblər və göyərtədəki hər kəsin öldüyü təsdiqlənib. 

Musiqiçi ilə bərabər helikopterdə iş adamı Brunu Avelar, videoqraf Paulu Soaresh, həmçinin şirkət tərəfindən adları Antoniu və Leopolddu kimi təqdim edilən pilot və ikinci pilot olub.

Əsl adı Jeraldu Antoniu di Karvalyu olan Rik 5 dekabr 1966-cı ildə Braziliyanın Tokantins əyalətində anadan olub. Altı yaşında ailəsi ilə birlikdə Braziliyaya köçüb, doqquz yaşında isə bacılarından biri ilə barlarda çıxış etməyə başlayıb. Sənətçi dekabr ayında 60 yaşını qeyd edəcəkdi.

QAZİLER.AZ