Fransada sentyabr ayı üzrə milli temperatur rekordu yenilənib.

Qaziler.az xəbər verir ki, bu barədə Le Monde məlumat yayıb.

Nəşrin məlumatına görə, rekord göstərici sentyabrın 6-da ölkənin cənubundakı Tarn departamentinin Lavör şəhərində qeydə alınıb. Burada bazar günü havanın temperaturu +40,3°C-yə yüksəlib.

Fransada sentyabr ayı üzrə əvvəlki temperatur rekordu 12 sentyabr 2022-ci ildə Landes departamentinin Pissos kommunasında qeydə alınmışdı. Həmin vaxt temperatur +40,2°C olmuşdu.

Avqustun sonunda kontinental Fransanın 96 departamentindən 44-də tufanlar səbəbindən hava şəraiti ilə bağlı təhlükənin ikinci ən yüksək — “narıncı” səviyyəsi elan edilmişdi.

QAZİLER.AZ