Tanzaniya Prezidenti Samia Suluhu Hasanın həyat yoldaşı Hafid Ameir Hasan ürək xəstəliyi səbəbindən Zənzibar adasındakı xəstəxanada vəfat edib.

Qaziler.az bildirir ki, bu barədə sentyabrın 7-də yerli “The Citizen” nəşri məlumat yayıb.

“Dərin kədər hissi ilə Tanzaniya Prezidenti Samia Suluhu Hasanın həyat yoldaşı Hafid Ameir Hasanın vəfat etdiyini bildirirəm”, – jurnalistlər vitse-prezident Deogratius Ndembebinin sözlərini sitat gətirib.

Prezidentin həyat yoldaşı yerli vaxtla saat 08:00 radələrində Emilio Mzena adına xəstəxanada dünyasını dəyişib. Hazırda dəfn mərasiminə hazırlıq Kizimkazi kəndində aparılır.

Peşəkar aqronom olan Ameir Hasan ictimai tədbirlərdə nadir hallarda iştirak edib. O, 1978-ci ildən Samia Suluhu Hasanla evli olub və cütlüyün dörd övladı var.

QAZİLER.AZ