Türkiyə, Pakistan və Səudiyyə Ərəbistanı kollektiv müdafiə haqqında memorandum imzalayıblar.

Qaziler.az xəbər verir ki, bu barədə məlumat ölkələrin yaydığı birgə bəyanatda yer alıb.

"Səudiyyə Ərəbistanının vəliəhd şahzadəsi Məhəmməd bin Salman, Pakistanın Baş naziri Məhəmməd Şahbaz Şərif və Türkiyə Prezidenti Rəcəb Tayyib Ərdoğan Məkkədə kollektiv müdafiə haqqında saziş imzalayıblar", - birgə bəyanatda bildirilib.  

Sənəddə həmçinin bu addımın hər üç ölkənin kollektiv təhlükəsizliyi daha da gücləndirmək fədakarlığını əks etdirdiyi vurğulanıb.

"Türkiye" qəzetinin məlumatına görə, memorandum çərçivəsində kəşfiyyat məlumatlarının mübadiləsi və regional təhlükəsizliyin koordinasiyası sahəsində əməkdaşlıq nəzərdə tutulur. Nəşr qeyd edir ki, Türkiyənin Səudiyyə Ərəbistanı və Pakistan arasında 2025-ci ildə imzalanmış strateji müdafiə tərəfdaşlığı sisteminə qoşulması Yaxın Şərqdə qüvvələr balansının dəyişməsində mühüm mərhələyə çevrilə bilər.

QAZİLER.AZ