Aİ gecə hücumundan sonra Ukraynaya dondurulmuş Rusiya aktivlərindən 1,4 milyard avro verəcək

Avropa İttifaqı Rusiyanın dondurulmuş aktivlərindən əldə olunan gəlirlər hesabına Ukraynaya 1,4 milyard avro göndərəcək. Bu vəsait müdafiə sahəsinə yönəldiləcək.

Qaziler.az bildirir ki, bu barədə RBC-Ukrayna Avropa Komissiyasının rəhbəri Ursula fon der Lyayen və Ukraynanın Baş naziri Sergey Koretskinin bəyanatına istinadən xəbər verir.

Ursula fon der Lyayen bəyan edib ki, Aİ hərəkətsizləşdirilmiş Rusiya aktivlərindən əldə edilən gəlirlərdən Ukraynaya 1,4 milyard avro ayıracaq. Bu qərar Rusiyanın mülki infrastruktura yönəlmiş növbəti zərbə dalğasından sonra qəbul edilib.

"Biz yenidən Rusiyanın Ukraynaya hava hücumları zamanı törətdiyi dəhşətli cinayətlər barədə xəbərlərlə oyanırıq. Rusiya törətdiyi dağıntılara görə bədəl ödəməlidir. Və biz buna əmin etmək üçün Rusiyanın dondurulmuş aktivlərindən əldə olunan vəsaitlərdən istifadə edirik", — deyə o vurğulayıb.

QAZİLER.AZ