ABŞ prezidenti Donald Tramp Kemp-Deviddə Nazirlər Kabinetinin iclası zamanı bildirib ki, Ukraynadakı münaqişənin nizamlanması üçün həm Kiyev, həm də Moskva güzəştə getməli olacaq.

Qaziler.az xəbər verir ki, iclas "CNN" telekanalı tərəfindən canlı yayımlanıb.

"Düşünürəm ki, Ukrayna prezidenti Volodimir Zelenski saziş bağlamaq istəyir; düşünürəm ki, Rusiya prezidenti Vladimir Putin də saziş bağlamaq istəyir. Heç kim güzəştə getmək istəmir. Lakin razılığın əldə olunması üçün onların hər ikisi güzəştə getməli olacaq", — deyə Ağ Evin rəhbəri bildirib.

Tramp əlavə edib ki, o, əvvəllər Ukraynadakı nizamlanma prosesini reallıqda olduğundan daha sadə bir proses hesab edirdi.

Bir neçə saat əvvəl Tramp öz müşavirləri Cared Kuşner və Stiv Uitkoffun Kiyevə səfər edəcəyini anons edib. Bu, sözügedən formatda ilk belə səfər olacaq. Tramp vurğulayıb ki, ABŞ üçün Ukrayna münaqişəsinin sülh yolu ilə həlli hələ də prioritet məsələdir və buna görə də Vaşinqton Kiyevə "Patriot" raket komplekslərinin tədarük edilməsinin zəruriliyinə şübhə ilə yanaşır.