Pakistanın axtarış qrupları, bir gün əvvəl Broad Peak zirvəsində qar uçqunu nəticəsində itkin düşdüyü təxmin edilən azı 10 alpinistdən dördünün cəsədini cümə günü aşkar edib.

Qaziler.az "Reuters"ə istinadən bildirir ki, Pakistan mənbələrinin verdiyi məlumata görə, itkin düşənlər arasında Pakistan Alpinizm Klubu tərəfindən adı açıqlanan 43 yaşlı nepallı alpinist Nirmal Purja da var.

Purja, dünyanın ən yüksək 14 zirvəsinə ən sürətli dırmanma üzrə dünya rekordunun sahibidir.

Alpinistlərin cümə axşamı günorta saatlarında dünyanın 12-ci ən yüksək zirvəsi olan 8051 metrlik (26 414 fut) dağda uçquna düşdükləri ehtimal edilir.

Pakistanın Gilgit-Baltistan bölgəsində axtarış-xilasetmə əməliyyatları çətin ərazi şəraitində davam edir və tapılan dörd alpinistin cəsədi hələlik ərazidən çıxarılmayıb. İtkin düşənlərin axtarışı üçün Pakistan Ordusu Aviasiyasına aid iki xilasedici helikopter hadisə yerinə göndərilib.

"Reuters" və Pakistan Alpinizm Klubu (ACP) tərəfindən yayılan məlumatlara əsasən, uçqundan sonra komanda ilə əlaqə kəsilib.

QAZİLER.AZ