ABŞ-dəki bir neçə məktəb yeni tədris ilində silahlı hücumlardan qorunmaq üçün qeyri-adi bir müdafiə sistemindən — sirenlər, stroboskoplar (parıldayan işıqlar), bibər qazə və digər təsir vasitələri ilə təchiz olunmuş dronlardan istifadə etməyə başlayacaq.

Qaziler.az xəbər verir ki, bu barədə "CBS News" məlumat yayıb.

Tərtibatçılar iddia edirlər ki, bu cihazlar aktiv atəş açan şəxsi aşkar etmək və bir neçə saniyə ərzində vəziyyətə müdaxilə etmək gücünə malikdir.

Bu sistemləri ilk olaraq Kolorado, Florida və Corciya ştatlarındakı məktəblər alacaq. Dronlar məktəblərdə baş verən hücumlar zamanı hüquq-mühafizə orqanları üçün əlavə alət kimi sınaqdan keçirilmiş "Mithril Defense" şirkəti tərəfindən hazırlanıb.

Şirkətin baş direktoru Castin Marstonun sözlərinə görə, "Campus Guardian Angel" (Kampusun Qoruyucu Mələyi) adlı dronlar məktəb dəhlizlərində saatda 80 km-ə qədər sürətlə hərəkət edə bilirlər və Texas ştatının Ostin şəhərində yerləşən şirkətin baş qərargahındakı operatorlar tərəfindən idarə oluna bilərlər. Sistemin məqsədi silahlı şəxsi təxminən 15 saniyə ərzində aşkar etməkdir.

Təhlükə aşkar edildikdən sonra dron hücumçunu çaşdırmaq üçün yüksək səsli siren, parlaq işıq və bibər qazından istifadə edə bilər. Həddindən artıq hallarda, cihaz atıcı ilə təxminən 95 km/saat sürətlə toqquşa bilər. Son anda cihaz saatda təxminən 95 km sürətlə silahlı şəxsə çırpılmaq qabiliyyətinə malikdir.

Dronlar məktəblərin daxilində xüsusi qorunan qutularda saxlanılacaq və demək olar ki, anında havaya qaldırıla biləcək. Tərtibatçılar bunun xüsusilə vacib olduğunu hesab edirlər, çünki məktəblərdəki hücumların əksəriyyəti iki-üç dəqiqə ərzində — polis tam səfərbər olmamış başa çatır.

QAZİLER.AZ