İsrailin Baş naziri Benyamin Netanyahu ABŞ prezidenti ilə görüşündə bəyan edib ki, bu ölkənin ərazisində təhdidlər qaldığı müddətcə İsrail hərbçiləri Suriyadan çıxmayacaq.

Qaziler.az xəbər verir ki, bu barədə "Axios" portalı öz mənbəsinə istinadən məlumat yayıb.

"Netanyahu bildirib ki, cihadçı qruplaşmaların təhlükəsi qaldığı müddətcə İsrail Suriyanın cənubundakı bufer zonasında öz mövcudluğunu qoruyub saxlayacaq", — deyə məqalədə qeyd olunub.

İsrailin Baş naziri görüşdə Suriya xəritəsini nümayiş etdirib. Həmin xəritəyə əsasən, Türkiyə bu ölkə ərazisinin 5%-nə, İsrail isə cəmi 0,1%-nə nəzarət edir. Qeyd olunub ki, Türkiyə ordusunun orada olması Suriya hakimiyyəti ilə razılaşdırılıb, İsrail hərbçilərinin cənubda yerləşdirilməsi isə razılaşdırılmayıb.