"Taxt Oyunları" və "Doktor Kim" filmlərinin aktyoru Tom Çadbon 80 yaşında vəfat edib.

Böyük Britaniya aktyoru, "Doktor Kim" (Doctor Who) və "Taxt oyunları" (Game of Thrones) seriallarındakı rolları ilə tanınan Tom Çadbon 80 yaşında vəfat edib.

Qaziler.az bildirir ki, bu barədə iyulun 29-da "Metro" qəzeti məlumat yayıb.

Nəşr sənətçinin müştərisi olduğu "Fantom Events" agentliyinin bəyanatına istinad edir: “Biz böyük kədər hissi ilə öyrəndik ki, Tom Çadbon ötən həftəsonu dünyasını dəyişib. Tom kino və televiziyadakı çoxsaylı işləri — o cümlədən 'Doktor Kim', Ceyms Bond haqqında filmlər və 'Taxtların oyunu' sayəsində bir çoxlarına yaxından tanış idi”.

Çadbon peşəkar fəaliyyətinə 1960-cı illərin sonlarında başlayıb. Onilliklər boyu davam edən karyerası ərzində o, 120-dən çox film və serialda çəkilməyə nail olub. Aktyora ən böyük populyarlığı kult xarakterli elmi-fantastik layihə olan "Doktor Kim" (1979–1986) serialındakı Daqqan rolu gətirib. Şounun pərəstişkarlarının yaddaşında onun xüsusilə "Ölüm şəhəri" (City of Death) seriyasındakı obrazı qalıb.

Aktyor ekranda sonuncu dəfə 2017-ci ildə "Taxtların oyunu" serialında görünüb və burada ali septon Meynard rolunu canlandırıb. Çadbonun filmoqrafiyasına həmçinin Ceyms Bond silsiləsindən olan "Kazino Royal" filmi, "Rebekka" mini-serialı, eləcə də "Xalis ingilis qətlləri" (Midsomer Murders), "Pip Şou" (Peep Show), "Bleyk 7" (Blake's 7) və "Səssiz şahid" (Silent Witness) layihələri daxil olub.

QAZİLER.AZ