Belarusda magistral yolda hərbi MAZ yük maşını ölümcül qəzaya uğrayıb.

Qaziler.az-ın məlumatına görə, İstintaq Komitəsinin mətbuat xidməti Telegram-da bildirib ki, Belarusda Osipoviçi-Baranoviçi yolunun 12-ci kilometrliyində MAZ hərbi avtomobilinin iştirakı ilə yol qəzası baş verib.

Qəza nəticəsində iki nəfər ölüb, 14 nəfər xəstəxanaya yerləşdirilib.

İlkin məlumata görə, sürücü əsas yolda dönərkən nəqliyyat vasitəsinə nəzarəti itirib. Məlumatda bildirilir ki, nəqliyyat vasitəsinin sürəti onun xəndəyə aşmasına səbəb olub.

Hadisə yerində istintaq qrupu işləyir və mütəxəssislər qəzanın səbəblərini araşdırır və sənədləşdirirlər. İki nəfərin ölümü ilə nəticələnən yol hərəkəti qaydalarının pozulması ilə bağlı cinayət işi açılıb.

QAZİLER.AZ