Polşa Prezidenti Karol Navrotski ölkədə eynicinsli ittifaqların qanuniləşdirilməsini nəzərdə tutan “yaxın şəxsin statusu haqqında” qanun layihəsini imzalamayıb.

Qaziler.az xəbər verir ki, bu barədə Navrotski öz dəftərxanasının “X” sosial şəbəkəsindəki səhifəsində paylaşılan videomüraciətində bildirib.

“İndi isə razılıq vermədiyim və prezidentin veto hüququndan istifadə etməli olduğum qanunlara keçirəm. Onlar ikidir: İttifaqda və birgəyaşayış müqaviləsində yaxın şəxsin statusu haqqında qanun, həmçinin giriş müddəalarını ehtiva edən qanun”, — deyə paylaşımda qeyd olunub.

Prezident vurğulayıb ki, bu qanun layihələri ailə hüququnda ər-arvadın hüquqlarına yaxın olan geniş spektrli yeni bir rəsmi institut yaradır. O əlavə edib ki, bununla fərqli ad altında və nikahın nəzərdə tutduğu öhdəliklərin tam siyahısı olmadan evliliyə gedən hüquqi yol açılır.

“Konstitusiyanın qarantı kimi, mən nikahın xüsusi statusunun itirilməsinə səbəb olacaq qərarları təsdiq edə bilmərəm. Konstitusiyanın 18-ci maddəsində nikah kişi və qadının ittifaqı kimi təsvir olunur və Polşa Respublikasının müdafiəsi altındadır”, — deyə Navrotski qeyd edib.

QAZİLER.AZ