Estoniya Rusiya idmançılarının yarışlarda iştirak etməsinə icazə verdiyinə görə Beynəlxalq Olimpiya Komitəsinə (BOK) cəza düşünüb.

Qaziler.az bildirir ki, bu barədə ölkənin mədəniyyət naziri Heydi Purquya istinadən Inbox.EU məlumat verib.

Estoniya BOK-un və bir neçə digər idman qurumunun Avropa İttifaqının maliyyələşdirmə proqramlarından kənarlaşdırılmasını təklif edib. Nəsillərarası ədalət, gənclər, mədəniyyət və idman üzrə Avropa komissarı Qlenn Mikallefə təklif bir neçə açıqlanmayan tərəfdaş ölkə ilə birgə hazırlanacaq.

Çərşənbə axşamı BOK beynəlxalq federasiyalara və beynəlxalq idman tədbirlərinin təşkilatçılarına Rusiya idmançılarının iştirakına qoyulan məhdudiyyətlərlə bağlı tövsiyələrini ləğv edib. Bundan əlavə, Rusiya Olimpiya Komitəsi (ROK) müvəqqəti olaraq fəaliyyətini bərpa edib.

Bundan sonra Ukrayna BOK-u Rusiyaya qarşı sanksiyaları ləğv etmək qərarını yenidən nəzərdən keçirməyə çağırıb. Ölkə bəyanatında qəti şəkildə bununla razılaşmadığını bildirib.

QAZİLER.AZ