Gənc Himalay qara ayısı Vladiqafqaza qədər üzüb və böyük ajiotaj yaradıb. O, Amur körfəzini üzərək keçib, şəhərə daxil olub və şahidlər tərəfindən çoxsaylı video və fotolarda yer alıb.

Qaziler.az bildirir ki, videolardan biri "Primorye xəbərləri, Vladivostok" Telegram kanalında yayımlanıb.

PrimaMedia-nın məlumatına görə, heyvan suyun üzərindən 10 kilometrdən çox məsafə qət edib. Ayı balası Peşanı yarımadasından Egerşeld bölgəsinə yollanıb və orada Dənizçilik Dövlət Universitetinin təlim mərkəzinin yaxınlığında görülüb.

Hadisə yerinə rəsmilər, polis, Rusiya Milli Qvardiyası və itlərlə işləyənlər gəlib. Əməliyyat zamanı yerli sakinlərdən biri dron vasitəsilə ayını havadan izləyərək xidmətlərə kömək edib.

Primorsk diyarı meşə təsərrüfatı nazirinin müavini vəzifəsini icra edən Aleksey Surovinin sözlərinə görə, ayının təxminən üç yaşı var. "Ayını tapmaq çətin idi; kolların arasında gizlənməyə çalışırdı və yorğun idi", - deyə o bildirib.

Bir nəzəriyyəyə görə, o, pələng kimi böyük bir yırtıcıdan qaçaraq suya düşmüş ola bilər. 

QAZİLER.AZ