Bu gün İranın xarici işlər naziri Abbas Əraqçinin daha öncədən planlaşdırılan Livan səfərinin ləğv edildiyi bildirilir.

Qaziler.az xəbər verir ki, bununla bağlı Livanın "Əl-Modon" qəzeti öz mənbələrinə istinadən məlumat yayıb.

Nəşrin yazdığına görə, Əraqçi səfər çərçivəsində Livan prezidenti Cozef Aun ilə görüşməli idi. Ancaq səfər ləğv edilib. Qərarın rəsmi səbəbi açıqlanmayıb.

Bildirilib ki, səfərin ləğvi ötən həftə İsrail və Livan arasında çərçivə sazişinin imzalanmasından sonra Tehran və Beyrut arasında münasibətlərin soyuması ilə əlaqədar ola bilər. Mənbələrin sözlərinə görə, İranın xarici işlər nazirinin yaxın vaxtlarda Livana getməməsi bu sazişə dəstək kimi dəyərləndirilməməlidir.