Hyego prefekturasındakı Kobe şəhər polisi keçmiş əri Yutake Nisiqutini qətlə yetirən və cəsədini 15 il saxlayan 50 yaşlı Aki Motizukini həbs edib.

Qaziler.az bildirir ki, bu barədə  "Japan Today" məlumat yayıb.

Nəşrin məlumatına görə, qadın günahını etiraf edib və qətli 2011-ci ilin dekabr ayında törətdiyini bildirib. Nisiquti 42 yaşında olub.

"Dəhşətli bir şey etdim və buna görə mənə heç bir bəraət yoxdur", - hüquq-mühafizə orqanlarının əməkdaşları saxlanılan şəxsin dediklərini sitat gətirirlər.

Cəsədin hissələrə bölündüyü və hər bir hissəsinin ayrı bir torbaya qoyulduğu bildirilir. Motizuki və Nisiqutinin evli olduqları, lakin 2011-ci ilin dekabrında boşandıqları müəyyən edilib. Lakin hüquqi proses kişinin ehtimal olunan ölüm vaxtından bir il sonra başa çatıb.

Polis qalıqları 20 iyunda əmlak idarəetmə şirkətinin mənzildə pis qoxu olduğunu bildirməsindən sonra aşkar edib. Motizuki mənzili 2002-ci ilin iyul ayından bəri kirayə götürsə də, əslində başqa bir ünvanda yaşayıb. Cəsədin olduğu dondurucunun yerləşdiyi mənzilin elektrik enerjisi istintaq zamanı kəsilib.

QAZİLER.AZ