İsrailin Baş naziri Benyamin Netanyahu silah tədarükü sahəsində xarici asılılığa son qoymağın və yerli istehsal bazasını gücləndirməyin vacibliyini bildirib.

Qaziler.az xəbər verir ki, bu barədə İsrailin Baş naziri iyunun 23-də verdiyi bəyanatda açıqlayıb.

"Silah sahəsində müstəqillik istəyirəm", – deyə Baş nazir ehtiyatda olan kursantlarla görüşündə qeyd edib.

Netanyahu ABŞ-ın illərdir göstərdiyi hərbi dəstəyi yüksək qiymətləndirdiyini vurğulasa da, artıq ölkənin şəxsi müstəqil istehsal bazasına sahib olmaq vaxtının gəldiyini diqqətə çatdırıb:

"Biz öz silahımızı istehsal etməliyik. Asılılıqdan azad olmaq, gücümüzü artırmaq, daha çox texnologiya tətbiq etmək və gələcəkdə harada olacağımızı müəyyən edəcək sizin kimi komandir nəsilləri yetişdirmək üçün bu, mütləqdir".

QAZİLER.AZ