Türkiyə Böyük Millət Məclisinin (TBMM) sədri İsmayıl Qəhrəman Azərbaycana səfərə gəlib. Report xəbər verir ki, TBMM sədrini Milli Məclisin sədr müavini Valeh Ələsgərov, ölkənin Türkiyədəki səfiri Faiq Bağırov, həmçinin, Türkiyənin bu ölkədəki səfiri İsmayıl Alper Coşqun və digər rəsmi şəxslər qarşılayıb.
Qarşılanma mərasimindən sonra qonaqların ümummilli lider Heydər Əliyevin məzarını ziyarət etmək üçün Fəxri xiyabana, ardınca Şəhidlər Xiyabanı və "Türk Şəhidliyi" abidə kompleksinə getməsi planlaşdırılır.
Xatırladaq ki, səfər çərçivəsində İ.Qəhrəmanın bir sıra görüşləri nəzərdə tutulub.
Görüşlərdə iki ölkə arasında parlamentlərarası əlaqələrin inkişaf perspektivləri müzakirə ediləcək.
