ABŞ-nin dövlət borcu, 2027-ci ilin sonuna kimi 41,1 trilyon dollara çatacaq.

Qaziler.az xəbər verir ki, belə bir proqnoz Vaşinqtonun İkitərəfli Siyasət Mərkəzinin dərc olunmuş hesabatında yer alıb.

Hesabatda qeyd edildiyi kimi, 2025-ci ilin iyulunda ABŞ-ın dövlət borcunun tavanı 5 trilyon dollar artırılaraq 36,1 trilyon dollardan 41,1 trilyon dollara çatdırılıb.

“O vaxtdan bəri bu məhdudiyyətlərin təsirinə məruz qalan borcun həcmi 2,9 trilyon dollar artıb ki, bu da artırılmış borclanma limitinin yarısından çoxunu təşkil edir”, - deyə sənəddə qeyd olunur.

İkitərəfli Siyasət Mərkəzinin qiymətləndirmələrinə görə, əgər Konqres tədbir görməsə, ABŞ çox güman ki, 2027-ci ilin qışının sonu ilə yayının ortaları arasında rəsmi olaraq yenidən dövlət borcunun tavanına çatacaq.

Mərkəzin mütəxəssisləri qeyd edirlər ki, dövlət borcunun tavanına çatma müddətini müəyyən edən əsas amillərdən biri İrana qarşı hərbi əməliyyatların aparılması xərcləridir. Pentaqonun son qiymətləndirmələrinə görə, bu xərclər 29 milyard dollara çatıb.

Bundan əlavə, Vaşinqton tərəfindən tətbiq edilən gömrük rüsumlarından potensial gəlirlər, eləcə də ABŞ hakimiyyətinin onların kompensasiyası üçün mümkün xərcləri də bu prosesə təsir göstərəcək.

Hazırda ABŞ-nin dövlət borcu təxminən 39,2 trilyon dollar təşkil edir. O, bu ilin martında tarixdə ilk dəfə 39 trilyon dollar həddini, 2025-ci ilin oktyabrında isə 38 trilyon dollar həddini keçib.

QAZİLER.AZ