Ukraynanın danışıqlardakı “qırmızı xətti” Rusiyaya ərazi güzəştləridir.

Qaziler.az xəbər verir ki, bu barədə Ukraynanın Kanadadakı səfiri Andrey Plaxotnyuk ölkəsinin “Apostrof” nəşrinə verdiyi müsahibədə bildirib.

“Ukraynanın malik olduğu qırmızı xətlərə gəlincə, biz heç bir şərt altında öz ərazilərimizlə ticarət etməyəcəyik. Biz Ukraynanın ərazi bütövlüyünün, suverenliyinin beynəlxalq sərhədlər daxilində bərpasının tərəfdarıyıq. Bütün bunlar dəstəklənir, bütün bu qırmızı xətlər tərəfdaşlarımız tərəfindən dəstəklənir”, — deyə o bəyan edib.

Plaxotnyuk vurğulayıb ki, Ukrayna Rusiyaya güzəşt etmək barədə danışmamalı, əksinə, silahlanmalı və daha çox maliyyə dəstəyinə malik olmalıdır ki, Kiyev istənilən ədalətli danışıqlar zamanı ən güclü mövqedə olsun.

O, həmçinin əminliklə qeyd edib ki, Rusiyanın mövqeyi danışıqlara maneə olur.

QAZİLER.AZ