İranın xarici işlər naziri Abbas Əraqçi Birləşmiş Ərəb Əmirliklərini (BƏƏ) İslam Respublikasına qarşı ABŞ və İsrailin təcavüzündə birbaşa iştirak etməkdə ittiham edib.

Qaziler.az xəbər verir ki, Əraqçinin sözləri İran XİN-in "Telegram" kanalında yer alıb.

Onun sözlərinə görə, bir gün əvvəl İsrailin baş naziri Benyamin Netanyahunun ABŞ və İran arasındakı münaqişə zamanı BƏƏ-yə və Əbu-Dabiyə səfər etdiyi məlum olub.

"Həmçinin bəlli oldu ki, onlar (BƏƏ — red.) bu hücumlarda (İrana qarşı — red.) iştirak ediblər və bəlkə də, hətta bizə qarşı birbaşa fəaliyyət göstəriblər. Buna görə də BƏƏ bu təcavüzün aktiv iştirakçısıdır və buna heç bir şübhə yoxdur", — deyə Əraqçi bildirib.

QAZİLER.AZ