Ümumdünya Səhiyyə Təşkilatının (ÜST) rəhbəri Tedros Adanom Qebreyesus "MV Hondius" laynerinin 11 sərnişinində hantavirusa yoluxma faktının aşkar edildiyini bildirib.

Qaziler.az bu barədə TASS-a istinadla xəbər verir.

“Hazırda on bir xəstəlik halı qeydə alınıb, onlardan üçü ölümlə nəticələnib. On bir halın hamısı gəminin sərnişinləri və ya ekipaj üzvləri arasındadır”, — deyə o qeyd edib.

Qebreyesus vurğulayıb ki, on bir xəstədən doqquzunda "Andes" virusu təsdiqlənib, digər iki halda isə bu, hələlik ilkin diaqnozdur.

Mayın 5-də ÜST xəbərdarlıq etmişdi ki, "MV Hondius" kruiz laynerində vaksini olmayan ölümcül "Andes" virusunun alovlanması baş verə bilər.

QAZİLER.AZ