Tehran Vaşinqtonla "düzgün sövdələşmə" bağlamalı olacaq, əks təqdirdə Amerika tərəfi Yaxın Şərqdəki münaqişədə çox asanlıqla qələbə çalacaq.

Qaziler.az xəbər verir ki, bu barədə ABŞ prezidenti Donald Tramp radio aparıcısı Hyu Hyuittə verdiyi və yazısı "YouTube" kanalında yerləşdirilən müsahibəsində bəyan edib.

Ağ Ev sahibinin sözlərinə görə, amerikalılar hər bir halda qalib gələcəklər.

"Biz ya düzgün sövdələşmə bağlayacağıq, ya da çox asanlıqla qalib gələcəyik. Bu gün biz onların (İranın — red.) səkkiz gəmisini sıradan çıxardıq. İndi onlar çox ucuz olan bu kiçik, sürətli qayıqlardan istifadə etmək məcburiyyətindədirlər", — deyə ABŞ lideri bildirib.

Trampın iddia etdiyinə görə, ABŞ hərbi baxımdan İranla münaqişədə artıq qələbəyə nail olub. O vurğulayıb ki, Vaşinqton Tehranın nüvə silahına sahib olmaması üçün bundan sonra da tədbirlər görməyə davam edəcək.

QAZİLER.AZ