Avropada NATO-dakı böhran səbəbindən yeni hərbi blokun yaradılması zərurəti ilə bağlı getdikcə daha çox söhbətlər gedir.

Qaziler.az “RİA Novosti”yə istinadla xəbər verir ki, bunu Rusiya xarici işlər naziri Sergey Lavrov KTMT Parlament Assambleyası Şurasının iclasında bildirib.

"NATO daxilində böhranın şahidi oluruq. Avropadakı müxtəlif rəsmi mənbələrdən Avropa Birliyi, Britaniya, Norveç və haqlı olaraq Ukraynadan yeni bir blok yaratmaq zərurəti barədə səslər artıq getdikcə daha ucadan eşidilir", - deyə Rusiya xarici işlər naziri bildirib.

Lavrovun sözlərinə görə, Ukrayna Prezidenti Volodimir Zelenski artıq "bu yeni hərbi maşına rəhbərlik etmək və Avropanı Rusiyaya qarşı başqa bir müharibəyə hazırlamaq" istəyini ifadə edib.

Onun fikrincə, bu, "Avropa ordularını nasizm bayraqları altında birləşdirmək" istəyini göstərir.

Qeyd edək ki, aprelin əvvəlində ABŞ prezidenti müttəfiqlərinin İrana qarşı müharibədə Vaşinqtona kömək etməkdən imtina etməsi səbəbindən NATO-dan çıxmağı düşündüyünü açıqlayıb.

QAZİLER.AZ