"Kanadanın ABŞ ilə iqtisadi əlaqələri artıq üstün səviyyədə deyil və yenidən nəzərdən keçirilməlidir".

Qaziler.az xəbər verir ki, bu sözləri Kanadanın Baş naziri Mark Karni sosial mediada bildirib.

O, ABŞ-nin ticarət siyasətindəki dəyişikliklərin əvvəlki əməkdaşlıq modelinə təsir etdiyini bildirib.

“Amerika Birləşmiş Ştatları ticarətə yanaşmasını kökündən dəyişdirərək, tarifləri sonuncu dəfə Böyük Depressiya dövründə görülən səviyyələrə qaldırıb. Amerika ilə sıx əlaqələrimizə əsaslanan keçmiş güclü tərəflərimizin əksəriyyəti aradan qaldırmalı olduğumuz zəif cəhətlərə çevrilib", - deyə Karni bildirib.

Baş nazir iqtisadi inkişafa və xarici iqtisadi əlaqələrə yeni yanaşmaların hazırlanmasının vacibliyini vurğulayıb. O, investisiyaların cəlb edilməsini, daxili istehsalın inkişaf etdirilməsini və digər ölkələrlə əməkdaşlığın genişləndirilməsini prioritet kimi müəyyən edib.

QAZİLER.AZ