Şiə qrupu "Kətaib Hizbullah" İraqda qaçırılan amerikalı jurnalist Şelli Kitlsonun azad edildiyini elan edib.

Qaziler.az xəbər verir ki, bu barədə sosial mediada məlumat yayıb.

Radikal təşkilatın təhlükəsizlik zabiti Əbu Mücahid əl-Asəfin sözlərinə görə, xarici müxbir ərəb respublikasını dərhal tərk etməlidir.

Məlumatda qeyd olunub ki, Kitlsonun azad edilməsi qərarı istefa verən Baş nazir Məhəmməd əl-Sudaninin vətənpərvər mövqeyinə görə minnətdarlıq əlaməti olaraq verilib.

ABŞ vətəndaşı olan jurnalist 31 martda Bağdadın mərkəzində, qaldığı otelin yaxınlığında qaçırılıb. Kitlson uzun müddət İraqın paytaxtında çalışıb və əsasən İraq silahlı qruplaşmaları, ABŞ-İraq münasibətləri və regional təhlükəsizlik inkişafları ilə bağlı mövzuları işıqlandırıb. ABŞ Dövlət Departamenti daha sonra jurnalistin qaçırıldığını təsdiqləyib.

QAZİLER.AZ