Eritreya milli komandasının yeddi oyunçusu Cənubi Afrika ərazisində Esvatini ilə səfər oyunundan sonra yoxa çıxıb.

Qaziler.az "izvestiya"ya istinadən bildirir ki, idman jurnalisti Romain Molina bu barədə 31 mart çərşənbə axşamı günü özünün X sosial media səhifəsində məlumat verib.

2027-ci il Afrika Millətlər Kubokunun seçmə mərhələsinin bir hissəsi olan oyun 31 mart çərşənbə axşamı günü baş tutub. Eritreya matçı 2-1 hesabı ilə qazanıb. Oyunçuların final fitindən sonra yoxa çıxma səbəbləri hazırda məlum deyil.

Eritreya milli komandası uzun müddətdir ki, təcrid olunub. Komanda 2019-cu ilin dekabr ayından bəri rəsmi və ya yoldaşlıq oyunlarında iştirak etməyib. Oyun məşqlərində uzun müddət iştirak etməməsi səbəbindən komanda rəsmi olaraq Beynəlxalq Futbol Federasiyasının (FIFA) reytinqindən kənarlaşdırılıb.

Son 15 ildə Eritreya idmançılarının xaricə səyahət edərkən qaçması və ya yoxa çıxması hadisələri  dəfələrlə baş verib.

QAZİLER.AZ