Donald Trampın hər iki prezidentlik müddəti ərzində həyat yoldaşı Melaniya nadir hallarda ictimaiyyət qarşısına çıxıb, baxmayaraq ki, onun Birinci xanım statusu ənənəvi olaraq medianın diqqətini tələb edir. Bu, onun əri ilə çox pis münasibətləri, siyasəti ilə razılaşmaması və sair barədə şayiələri günü-gündən artırır. Lakin həqiqət daha dərindir.

Qaziler.az xəbər verir ki, “Mirror US”in klinik psixoloq Dr. Treysi Kinqə istinadən verdiyi məlumata görə, Melaniyanın ictimaiyyətin diqqətindən kənarda qalması qəsdən hazırlanmış bir strategiyadır. Dr. Kinq Melaniyanın görünməzliyinin bir neçə məqsədə xidmət etdiyini irəli sürüb.

İlk növbədə, bu, şəxsi sərhədlər müəyyən etmək üçün bir yoldur.

"Bu, başqalarının sizə hansı şəraitdə, hansı aspektlərdə və hansı imkanlara malik olacağına qərar vermək deməkdir"., - psixoloq qeyd edib.

İkincisi, Melaniyanın aşağı profili onu ərinin siyasi baxışlarını və qərarlarını dəstəkləmək və ya əksinə, açıq şəkildə onlara qarşı çıxmaq ehtiyacından azad edir.

Üçüncüsü, Melaniyanın nadir hallarda ictimaiyyət qarşısına çıxması ona fərqli bir ictimai imicini qorumağa imkan verir və əgər o, ictimaiyyət qarşısına daha tez-tez çıxsaydı, qaçılmaz olaraq Donald Trampın imici ilə eyniləşəcəkdi.

QAZİLER.AZ