ABŞ prezidenti Donald Tramp ölkəsinin İrana qarşı hərbi əməliyyatını dəstəkləməkdən imtina edən ölkələrin maraqlarını qorumaq üçün artıq yardım göstərməyəcəyini açıqlayıb.

Qaziler.az-ın məlumatına görə, siyasətçi bunu “TruthSocial” sosial media platformasında yazıb.

O bildirib ki, bu ölkələr cəsarətli olmalıdırlar, yoxsa özlərini təkbaşına müdafiə etməyi öyrənməli olacaqlar.

"ABŞ daha sizə kömək etmək üçün orada olmayacaq, necə ki, siz bizim üçün orada deyildiniz", - ABŞ lideri yazıb.

Tramp həmçinin Fransanın İsrailə hərbi təchizat daşıyan ABŞ Hərbi Hava Qüvvələri təyyarələrinin Fransa ərazisi üzərindən uçmasının qarşısını aldığını xatırladıb. Prezident vurğulayıb ki, ABŞ Fransanın kömək etməkdən necə imtina etdiyini xatırlayacaq.

QAZİLER.AZ