Aİ-nin baş diplomatı Belçika baş nazirinin mübahisəli fikrini rədd etdi.

Avropa İttifaqı Rusiya ilə indiki formada normal münasibətlərə qayıda bilməz. Bu, yalnız təcavüzkarın iştahasını artıra bilər.

Qaziler.az-ın məlumatına görə, bu barədə Avropa Birliyinin xarici işlər üzrə ali nümayəndəsi Kaja Kallas “Reuters” agentliyinə verdiyi müsahibədə bildirib.

Kallas Belçikanın Baş naziri Bart De Veverin Avropa rəsmilərinin onun Moskva ilə münasibətlərin normallaşdırılması ideyasını qapalı qapılar arxasında dəstəklədiyi barədə açıqlamasına münasibət bildirib.

"Liderlərin görüşləri haqqında danışarkən mən qapalı qapılar arxasında olmuşam və bu cür münasibət görmürəm", - o, deyib.

Onun sözlərinə görə, əgər söhbət Rusiya ilə danışıqlardan gedirsə, onda Aİ ölkələri əvvəlcə təcavüzkarla nəyi müzakirə edəcəkləri barədə razılığa gəlməlidirlər.

"Əgər biz həmişəki kimi işə qayıtsaq, eyni şeyləri daha çox görəcəyik - daha çox müharibə. "Biz bunu əvvəllər də görmüşük, ona görə də çox ayıq olmalı və Rusiyaya istədiyini verməməliyik, çünki onun iştahası yalnız artacaq", - deyə Kallas vurğulayıb.

QAZİLER.AZ