Dünyanın məşhur turizm məkanı olan Dubay (BƏƏ) küçələri boş qalan xəyalət şəhərinə çevrilib.

Qaziler.az xəbər verir ki, bu barədə “Metro” qəzeti yazır.

Nəşrin yazısında qeyd olunur ki, Dubay geniş malikanələri, lüks kurortları və Mişlen ulduzlu restoranları ilə tanınır. Lakin ABŞ və İsrailin İrana ölümcül hücumlarından təxminən iki həftə sonra bu görüntü demək olar ki, yoxa çıxıb.

Həmçinin qeyd olunur ki, Körfəz dövləti bütün İran hücumlarının üçdə ikisini öz üzərinə götürdüyü üçün Dubay artıq "ruhlar şəhərinə" çevrilib. Boş qalan çimərlik barları, günəş şezlonqları və hovuzlar, eləcə də “Gucci” kimi lüks mağazaların bağlanması adi hala çevrilib.

Hətta bəzi turistik yerlər hazırda bağlıdır. Bunların arasında “Dubai Parks” və “Resorts və “Global Village” tematik parkları, eləcə də “Ain Dubai” çarxı var. Bu arada, jurnalistlərin fikrincə, Dubay otelləri tətilçiləri cəlb etmək üçün daha ucuz otaqlar təklif edir.

QAZİLER.AZ